約了11am, 姑娘叫提早15mins到, 交通暢順10:30到了。 今日排第3位見醫生, 大約11:30到我。 難得外子陪同, 佢都好想見到BB。
黃醫生簡單問依家幾周? 有無胎動? 打算邊間醫院生?
答完我就話恥骨痛, 黃醫生話係正常就去照超聲波。
Anyway, 醫生, 外子, 我一齊睇同一個mon。頭仔在上, 未調頭, 脊骨在我右邊, 所以會feel 到腳踢在左邊, 手仔遮大部分面仔, 隱約見到右眼, 後尾枕都有頭髮。
黃醫生提要同公立醫院講, BB 未調頭, 胎位唔正。正常36周就要調頭, 可能1晚就轉落去, 要留意。 但無經驗的我, 都唔知點留意好 。
今日黃醫生晏左返, 講嘢有D急, 知道BB各樣安好, 就放心了。
黃醫生份報告顯示BB依家有 3磅10 安士 , 實際周齡31週3天, 超聲波量度size 31週6天。
, GP Hadlock 上次39.6%, 今次20.7%。BPD 上次7.07cm, 今次8.19cm。好驚我下面會爆 > <”
其他數據都正常, 1個月後再照喇。
而我的重量現在是人生高峰~ 暫時重了廿磅, 腰圍 38 inch 。
還有2個月BB出世, 要多聽音樂, 保持心境開朗!
感想:
今次姑娘有點懶, 叫我除鞋再指住檢驗床的廚房紙自己攝入褲。 真係奇怪, 上次都會幫我攝好廚房紙, 醫生至過黎…! 照完當然係我自己清潔走肚上的 gel。姑娘背住我整嘢, 完全無同我講嘢。
不過最緊要係醫生好, 其他事就算喇~
