話說上次31周BB未調頭, 今日35周照超聲波, 數據正常, BB依家有 4磅幾喇
但係BB依然未調頭!!!! 而且雙腳伸直, 可能我肚唔夠位比BB轉身啦! 這星期再努力做瑜伽猫式, 希望有轉機啦。
其他數據也正常, BB依家有 4磅幾喇, 頭骨直徑已經9.03cm
黃醫生話有2% 機會BB 到36周都唔調頭, 再提我一定要同公立醫院講胎位不正, 要38周開刀。
傻傻的我問如果公立醫院唔肯開刀呢? 黃醫生就話: 咁呢個一定唔係醫生 。
咁我都放心一點。
有點錯愕BB竟然一個月都無郁~@@ , 一直以為順產, 所以沒有睇有關開刀的資料, 搜集坐月修身注意事項。依家趁仲有時間要多點研究。
是天意又或許是BB的選擇, 開刀就會係老鼠BB了。
作為新手媽媽是有點擔心, 一切以BB安全健康為優先考慮。現階段只可等下星一返聯合產檢的情況。儘量保持心境放鬆, 多做猫式, 順其自然!
