日常程序: 先掛號處登記, 去旁邊56號房度高、磅重、驗小便、量血壓。
~ 今日數據: 63.7 kg (+ 2.70kg) & BMI 25.40 (+0.3)
大堂約有6成人,等左不多於半個鐘叫名, 姑娘核對白卡, 身份證及預約紙, 再坐一陣。
入房後, 瞓低整理好衣物, 由女醫生先用棉花棒拎分泌驗B形鏈球菌, 只係輕輕撩兩下, 唔痛。
其次轉達私家醫生吩咐的話, 比女醫生知35周BB未調頭, 隨即就照兩分鐘超聲確認BB此刻仍是頭在上方。女醫生表示再比多1星期, 睇吓BB會唔會轉。假如依然原封不動, 頭在上方, 臀部在下方, 可考慮37周試人手調頭或唔試人手調頭, 直接在38-39周開刀。又比左2張紙講解胎位不正的3個處理方法, 回家考慮。
之後出示私家照的超聲波報告讓其做記錄。近來天氣凍, 加上後背長期用托腹帶出現敏感, 也請醫生開止痕藥膏及 懷孕supplement。
隨即預約下次星期一產檢。往藥房等拎藥大慨需時20分鐘。
是日檢查完成😄
感想:
今次在醫院所花時間大約1.5小時。不過踏入35周, 體力再轉差, 很易攰。
孕初期10分鐘由家行到醫院; 孕中期15分鐘; 今日孕後期差不多20分鐘。
所以趁星期日搬回娘家安胎, 除了有親人無微不至照顧比較放心。 最後兩星期返工, 車程短了許多, 較多時間休息。
回家看看有關胎位不正單張的處理方法:
- 人手調頭 (成功率 50%) , 等順產
- 唔試人手調頭, 直接開刀
- 臀部先出的順產
每一個方法都有利弊, 醫生會按情況提供建議。惟有再觀察, 等多1星期再檢查。
雖然有點擔心, 只好調整心態, 做足心理準備。
Be a happy mum!!
