日常程序: 先掛號處登記, 去旁邊56號房度高、磅重、驗小便、量血壓。
~ 今日數據: 63.2 kg (- 0.50 kg)
由於今日檢查關于能否順產 / 開刀的重要日子, 所以要求外子陪同。
預約時間11:15, 大堂約有5成人, 等左半個鐘叫名, 但骨盤好似生锈成個阿婆咁慢慢行去比較遠的62號病房。姑娘見到我咁樣, 都問我有無事。其實已經一、兩個月係咁樣狀況。核對白卡, 身份證及預約紙, 再坐一陣。有位年輕女醫生話因為要照超聲波, 所以要行返去50號病房。無問題, 最緊要照清楚。
入房後, 瞓低整理好衣物, 先度宮高, 再塗上jelly 就開始照超聲波, BB此刻仍是頭在上方。再問吓BB現在姿勢, 女醫生話這部機不太清, 嘗試搵附近另一部機再照清楚。於是清潔好肚皮jelly, 便到隔離房再照。BB 仍然無掉頭坐咗喺度，眼望我嘅左手方向， 脊骨就喺我嘅右手邊 ，一隻腳伸直另一隻腳屈曲 > <!! 36周+6日大約重2.2kg。可考慮37周試人手調頭或唔試人手調頭, 於38-39周開刀。經過一星期考慮, 比較及了解風險後, 決定直接開刀吧。女醫生即時快速講解開刀手術風險, 接受輸血風險, 要簽同意書。排到1月28日開刀 (38周+2日), 半身麻醉, 沒有陪產。
之後到預約處, 預約1月25日下午見麻醉科。1月28日上午7時入院。
再到治療室取COVID-19樣本樽, 1月27日上午8時交回深喉液樣本。
總算心定下來, 倒數10日BB出世😄yeah!!
感想:
世上沒有完美方案, 順產與開刀各有利弊。這個人生的決擇, 令人迷茫!
奶奶跟媽媽都很想我順產, 當然明白佢地出發點係為我好, 不用捱一刀, 希望儘快坐月補身。而朋友輩多建議直接開刀, 不用食全餐。期間也參考網上資訊, 了解人手調頭與開刀手術風險、過程。
相信媽媽們最關切是BB安危, 而我感覺上開刀手術比較容易掌握可確保BB安全。雖然復原時間稍長, 又有疤痕, 都是選了開刀。
希望手術順順利利啦!
