2020.12.21 是日流程:
1. 到掛號處登記之後到旁邊56號房度高、磅重、驗小便、量血壓。
~ 今日數據: 61 kg (+ 0.50kg) & BMI 24.10 (+0.4)
2. 大堂差不多坐滿8成人, 登記處姑娘表示今日睇症時間是長了。等左超過一個鐘至叫名, 姑娘核對白卡, 身份證及預約紙, 再坐一陣。
3. 入房後, 瞓低整理好衣物鋪毛巾, 認得這位語調溫柔的姑娘。女醫生先量度量度宮高, 之後聽BB 心跳, 聽左幾吓強而有力的呼呼風聲。檢查便完成了。
5. 醫生簡單表示BB生長正常。 我出示了私家照的超聲波報告做記錄, 就私家醫生提到要同公立醫生講, BB 未調頭一事。公立醫生話暫時唔係問題, 通常36周BB至調頭。另外, 開了全日的到診紙及Materna 。
6. 預約下次產檢日期。
7. 到藥房等拎藥大慨需時20分鐘。
是日檢查完成😄食lunch 後要返工喇。
感想:
今次所花時間比較長, 大約需要兩小時。
***********************************
仲有49日到預產期個月, 走佬袋物資只欠初生尿片。因尿片很佔位置, 下月至買。
已開始洗衫仔, 紗巾, 包被仔; 物色了蒸氣烘乾消毒機; 媽媽已煮薑醋; 留薑皮沖涼; 因為會返娘家坐月, 安排物資運送中。
近來半夜其間起身1-2次去洗手間。間中小腿抽筋, 幸好只是十數秒, 好快可以瞓番。
肚子愈來愈重, 行走要再小心慢一點。雖然疲倦感增, 但疫情下, 盡能力晚上自煮簡單食物或外帶媽媽的餸菜。