聯合醫院飲糖水 (Week 23)

飲糖水主要係檢測有無患上妊娠糖尿病, 此病會影響媽媽及BB健康。平時無糖尿病, 但懷孕時, 可以無徵兆患上妊娠糖尿病。

終於到我飲傳說中難飲到嘔0既糖水 , 我都係照平常飲食。根據指示前一晚12點之後禁食, 朝早 8:20 到醫院抽血, 我排第三個。

2020.10.19 是日流程:

1. 等叫名入房空腹抽第一筒血
2. 自己去隔離櫃面拎一個外賣熱飲紙杯, 裝了無香味透明糖水, 賣相OK。
3. 出房坐低, 4啖飲完. 其實甜度係高, 但唔難飲喎。個人認為, 似5雙倍濃縮版益力多。 我試過印度甜品比飲糖水更甜。
4. 之後等兩小時再返房抽第二筒血。其間可飲少量清水, 假如有嘔吐, 必需回到抽血房告知姑娘. 再約另一日期飲糖水。
5. 請姑娘開到診紙, 會寫上午到診。

完成😄

檢測結果有問題大約會一星期內收到電話通知, 無通知就是 Pass 。

感想:

姑娘抽血都好快手, 一下攪掂。

聯合醫院超多人, 訪客只可在Canteen買外賣。所以盡量搵個靜少少位置渡過這等待的兩小時啦~

而我在這兩小時認識了一位預產期比我早兩日的媽媽。她是第2胎, 分享了很多寶貴經驗, 日常飲食及進補湯水資訊。好快就傾到夠鐘抽第二次血。