2020.7.28 是日流程:
同上次一樣, 先到掛號處再到旁邊第一間房度高、磅重、驗小便、量血壓。
小抽曲: 我用 skincare cream樽裝小便漏左少少, 幸好有膠袋包住. 下次都係用番supplement 高樽, 比較安全。
之後到大堂等叫名。
第二間房照超聲波, 護士搽 啫喱, 準備好後, 女醫生開始照喇。BB已經12週, 見到BB郁吓郁吓, 感覺真奇妙!! 醫生認真量度圍度及長度, 講解照著的是身體那一部份。特別想睇的位置, 也可問問啊 !
清潔好肚皮, 過去醫生檯那邊, 我帶了私家7週的相, 醫生輸入相關資料到系統。BB很健康成長中, 各樣正常就好了。
看畢又回大堂等候叫名。
第三間房是一位男醫生及女護士, 詢問關於我的健康情況。幸好由一開始陀B, 我一直沒嘔吐, 只是胃灼熱, 腸胃有點脹, 要少食多餐。因此, 體重沒有增長很多, 醫生叮囑要多吃點增重。我都想……儘量吧~~ 有時肚未飽, 見到食物很想吃, 但肚子已經沒有空間。很無奈呢!
醫生再問要不要 supplement, 當然要啦。再問我平時有無食, 如果有食就2選1。不可吃兩款。原派發各種單張 : 入院須知、新症須知、預防新生兒乙型鏈球菌感染、分娩資訊、 德國麻，疹麻疹及腮腺炎混合疫苗注射資訊、 白喉(減量)，破傷風及無細胞型百日咳(減量) 混合疫苗注射資訊、 唐氐綜合症產前篩查 – 資料單張及同意書, 陪產資訊。
很可惜產前講座班和產前運動工作坊, 因應疫情而取消。
- 掛號處預約下次見醫生日期時間
- 到第4間房抽血 。
完成😄
感受: 感覺良好!! 產科人流不多, 接觸的護士們都很有禮貌, 令人放鬆心情 .
**記得主動提出要到診紙啊**
